मधुबन ..........

आभाळ होउन बरसला,
त्याने वर्षाव प्रेमाचा केला,
माझी न राहिले मी,
मधुबनात घेउन गेला!

अपूर्व सुख लाभले,
चांदण्यात घेउन गेला,
माझी न राहिले मी,
मधुबनात घेउन गेला!

स्पर्शात हरवले मी,
बेधुंद करुनी गेला,
माझी न राहिले मी,
मधुबनात घेउन गेला!

नजरेनेच आज तो,
स्पर्शुन देह गेला,
माझी न राहिले मी,
मधुबनात घेउन गेला!

फूल आज जाहले मी,
भ्रमर तो ही झाला,
माझी न राहिले मी,
मधुबनात घेउन गेला!

सहवास आज त्याचा,
मज उमलवून गेला,
माझी न राहिले मी,
मधुबनात घेउन गेला!

कवियेत्री : निशि